मुलचेरा-: दिनांक 1 आगस्ट पासून सुरु झालेल्या महसूल पंधरवाडा कार्यक्रम अंतर्गत *सैनिक हो तुमच्यासाठी*हा विशेष उपक्रम मुलचेऱ्याचे प्रभारी तहसीलदार लोमेश उसेंडी यांच्या अध्यक्षतेखली तहसील कार्यालयात दिनांक 10 आगस्ट ला आयोजीत करण्यात आला होता. प्रभारी तहसीलदार लोमेश उसेंडी यांचे हस्ते तालुक्यातील माजी सैनिकांचा पुष्पगुच्छ देऊन त्यांचा सन्मान करण्यात आला व त्यांच्या अडी-अडचणी जाणून घेतल्या.देशाच्या रक्षणासाठी, आपल्या सर्वांच्या रक्षणासाठी सैनिक आपल्या कुटुंबापासून दूर राहून आपल्या प्राणाची बाजी लावीत असतात असे प्रतिपदान प्रभारी तहसीलदार लोमेश उसेंडी यांनी केले. सदर कार्यक्रमात माजी सैनिकांनी आपल्या गतकाळातील गोष्टींना उजाळा देत देशासाठी केलेल्या अभूतपूर्व साहसाची माहिती दिली. आजच्या कार्यक्रमात तहसील कार्यालयातील कर्मचारी, शिपाई उपस्थित होते.
