मुलचेरा-: बऱ्याचदा महसूल विषयक कामकाजाविषयी माहिती नसल्यामुळे शेतजमिनविषयक कामकाजत नागरिकांना नाहक त्रास उद्भवत असतो. परिणामी जमीन खरेदी विक्री प्रकरण असो किंवा जमिनीबाबत इतर विषय असोत,नागरिकांना असलेल्या माहितीच्या अभावी बरेचशे प्रकरणे न्यायालयापर्यंत जात असतात. नागरिकांना महसूली व्यवहाराची अगदी सोप्या भाषेत माहिती व्हावी या हेतूने माजी सेवानिवृत्त सनदी अधिकारी शेखर गायकवाड (भा.प्र.से) यांच्या संकलपनेतून साकर झालेले, संजय दैने जिल्हाधिकारी यांच्या मार्गदर्शनातून व मुलचेऱ्याचे तहसीलदार चेतन पाटील यांच्या प्रत्यक्ष कृतीतून निर्माण झालेले गोष्टीरूप महसूल वाचनालयाचे उदघाटन राज्याचे अन्न व औषध प्रशासन मंत्री धर्मरावबाबा आत्राम यांच्या हस्ते झाले.स्थानिक तहसील कार्यालयात दिनांक 3 आगस्ट ला मुलचेरा तालुक्यातील विविध विकास कामांचा आढावा घेण्याकरिता आले असता त्यांनी सदर गोष्टीरूप महसूल वाचनालयाचे उदघाटन केले. सदर गोष्टीरूप महसूल वाचनालयात शेतजमीन विक्री प्रकरण, आदिवासी शेतजमीन हक्क हस्तांतरण, शेतजमिन विभाजन अश्या एकूण 36 प्रकारच्या जमीन व्यवहाराशी निगडित गोष्टीबाबत चित्राच्या माध्यमातून तसेच मार्मिक गोष्टीच्या माध्यमातून त्यांची माहिती विषद केले आहे. सदर गोष्टीरूप महसूल वाचनालय हे जिल्ह्यातील एकमेव वाचनालय असल्याने मुलचेऱ्याचे तहसीलदार चेतन पाटील यांच्या सदर उप्रकमाचे मंत्रिमहोदयानी कोतुक केले.
