गेल्या काही दिवसांपूर्वी नुकताच दहावी- बारावीचा निकाल जाहीर झाला आहे. अशातच बोर्डाने पुरवणी परीक्षेसाठी अर्ज भरून घेतले होते. दरम्यान आता दहावी- बारावी पुरवणी परीक्षेचे वेळापत्रक जाहीर करण्यात आले आहे. महाराष्ट्र राज्य माध्यमिक व उच्च माध्यमिक शिक्षण मंडळाने नुकतंच नऊ विभागीय परीक्षेचे वेळापत्रक जाहीर केले आहे.
यामध्ये लातूर, छत्रपती संभाजीनगर, पुणे, नागपूर, मुंबई, कोल्हापूर, अमरावती, नाशिक व कोकण या नऊ विभागीय मंडळाचा समावेश आहे. जाहीर केलेल्या वेळापत्रकानुसार ही परीक्षा जुलै-ऑगस्ट 2023 मध्ये घेतली जाणार आहे. उच्च माध्यमिक प्रमाणपत्र लेखी परीक्षा मंगळवार 18 जुलै 2023 ते मंगळवार 8 ऑगस्ट 2023 या कालावधीत होणार आहे.
तसेच 12 वी व्यवसाय अभ्यासक्रम लेखी परीक्षा मंगळवार 18 जूलै 2023 ते शनिवार 5 ऑगस्ट 2023 या कालावधीत होणार आहे. तसेच इयत्ता 10 वी ची लेखी परीक्षा मंगळवार 18 जुलै ते मंगळवार 1 ऑगस्ट 2023 या कालावधीत होणार आहे. या परीक्षेचे दिनांक निहाय सविस्तर वेळापत्रक www.mahahsscboard.in या बोर्डाच्या अधिकृत वेबसाईटवर उपलब्ध करुन देण्यात आले आहे.
बोर्डाने प्रसिद्ध केलेल्या परिपत्रकात म्हणले आहे की, 10 वी प्रात्यक्षिक परीक्षा, श्रेणी, तोंडी व अंतर्गत मूल्यमापन परीक्षा मंगळवार 18 जुलै 2023 ते मंगळवार 1 ऑगस्ट 2023 ला होणार आहे. तर 12 वी प्रात्यक्षिक, श्रेणी, तोंडी व अंतर्गत मूल्यमापन परीक्षा मंगळवार 18 जुलै 2023 ते शनिवार 5 ऑगस्ट 2023 या कालावधीत आयोजित करण्यात येणार आहे याची संबंधितानी यांची नोंद घ्यावी असे राज्य मंडळाच्या सचिव अनुराधा ओक यांनी प्रसिद्धी पत्रकात म्हटले आहे.
