मुलचेरा-: मुख्यमंत्री महिला सशक्तिकरण अभियान अंतर्गत उदयाला दिनांक 1 डिसेंबर 2023 ला जिल्हा प्रशासन गडचिरोली तालुका महसूल प्रशासन मुलचेरा यांचे वतीने आंबटपल्ली येथे भव्य शिबिराचे आयोजन करण्यात आले आहे.सदर शिबिरात महिला लाभार्थ्यांना योजनेचा लाभ तसेच विविध प्रमाणपत्राचे वितरण मान्यवराकडून शिबिरस्थळी करण्यात येणार आहे. शिबिरस्थळी आरोग्य विभाग यांचे मार्फत स्टाल लावून रुग्णाची तपासणी तसेच मोफत औषधोपचार करण्यात येणार आहे. त्याचप्रमाणे पंचायत समिती, उमेद, शिक्षण विभाग, वन विभाग, एकात्मिक आदिवासी प्रकल्प विभाग अहेरी, एकात्मिक बालविकास विभाग, कृषी विभाग, बँक, संजय गांधी योजना विभाग, पुरवठा विभाग, निवडणूक विभाग, पशुसवर्धन विभाग यांचे मार्फतीने शिबिरस्थळी स्टाल लावून विविध योजनाची माहिती तसेच पात्र लाभार्थ्यांना योजनेचा लाभ व अर्ज स्वीकारण्याचे काम करण्यात येणार आहे. तरी गोमनी , आंबटपाली, गोविंदपूर व सुंदरनगर ग्रामपंचायत अंतर्गत येणाऱ्या गावातील महिला व पुरुषांनी जास्तीत जास्त संख्येने उपस्थित राहून कार्यक्रमाचा लाभ घेण्याचे आव्हाण मुलचेऱ्याचे तहसीलदार चेतन पाटील, गोमनीचे तलाठी रितेश चिंदमवार यांनी केले आहे.
