राज्य सेवा हक्क आयोग तसेच आपले सरकार पोर्टलच्या माध्यमाने “नागरिकांना सुलभ, पारदर्शक वेळेत सेवा देणे तहसिलदार चेतन पाटील
मुलचेरा :-
महाराष्ट्र लोकसेवा हक्क अधिनियम, २०१५ च्या अंमलबजावणीस दहा वर्ष पूर्ण होत असल्याने, या दशकपूर्तीचे औचित्य साधून मुलचेरा तालुक्यात २८ एप्रिल रोजी तहसिल कार्यालय यथे “सेवा हक्क दिवस” विविध उपक्रम राबवून हा दिवस जनसहभागासह साजरा करण्यात आला व नागरिकांमध्ये उक्त अधिनियमाबाबत, राज्य सेवा हक्क आयोगाबाबत तसेच आपले सरकार पोर्टल मार्फत ऑनलाईन उपलब्ध सेवांबाबत जनजागृती निर्माण करण्यात आले.
“नागरिकांना सुलभ, पारदर्शक व वेळेत सेवा देणे ही आपली जबाबदारी आहे. महाराष्ट्र लोकसेवा हक्क अधिनियम, २०१५ च्या माध्यमातून सेवा देण्याची आपणास संधी मिळाली आहे. या कायद्याची माहिती प्रत्येक नागरिकापर्यंत पोहोचवून जिल्ह्यात लोकसेवा हक्क कायद्याची जागृती करा,” असे आवाहन तहसिलदार चेतन पाटील यांनी केले आहे.
तहसिलदार चेतन पाटील यांनी महसूल कार्यालायचे सर्व अधिकारी, कर्मचारी,मंडळ अधिकारी,तलाठी,आपले सरकार सेवा केंद्र चालक यांना तहसिल कार्यालय येथे सेवा हक्क दिनाची शपथ देण्यात आली तसेच कार्यालयाच्या प्रवेशद्वाराजवळ सेवा अतिनिमा बाबत अधिकृत माहिती विविध क्यूआर कोड च्या माध्यमातून प्रदर्शित करण्यात आली.
