• विविध पोस्टे/उपपोस्टे/पोमकें स्तरावर एक गाव एक वाचनालय अंतर्गत नोंदणी केलेल्या एकुण 3800 हून अधिक विद्याथ्र्यांचा सराव पेपर मध्ये सहभाग
• आतापर्यंत दहा टेस्ट सिरीजच्या माध्यमातून एकूण 33,750 विद्याथ्र्यांनी दिली परीक्षा गडचिरोली जिल्ह्रातील बहुतांश विद्यार्थी हे दुर्गम-अतिदुर्गम भागात राहतात. त्यामुळे तेथील विद्याथ्र्यांना योग्य मार्गदशन व संधीचा अभाव आहे. तसेच दुर्गम-अतिदुर्गम भागात राहणाया विद्यार्थ्यांना स्पर्धा परीक्षेबद्दल असलेल्या अज्ञानामुळे, योग्य मार्गदर्शनाच्या अभावामुळे विद्यार्थी हे स्पर्धा परीक्षेत मागे पडू नये, शालेय विद्याथ्र्यांमध्ये वाचनाची व स्पर्धापरीक्षा विषयीची ओढ निर्माण व्हावी व त्यांचा स्पर्धा परीक्षेकडे कल वाढावा तसेच त्यांना स्पर्धा परीक्षेच्या मुख्य प्रवाहात आणण्यासाठी गडचिरोली पोलीस दल पोलीस दादालोरा खिडकीच्या माध्यमातून व यशोरथ स्पर्धा परीक्षा टेस्ट सिरीज, मुंबई यांच्या संयुक्त विद्यमाने “प्रोजेक्ट उडान” अंतर्गत आगामी स्पर्धा परीक्षांच्या पार्श्वभूमीवर दिनांक 15/11/2025 रोजी गडचिरोली पोलीस मुख्यालय येथील शहीद पांडु आलाम सभागृह तसेच एक गाव एक वाचनालयांतर्गत गडचिरोली जिल्ह्रातील पोस्टे/उपपोस्टे/पोमकें ठिकाणी उभारण्यात आलेल्या 73 वाचनालयांमध्ये मोफत स्पर्धा परीक्षा सराव पेपर क्र. 10 चे आयोजन करण्यात आले.
या सराव पेपरचा उपयोग विद्याथ्र्यांना येणाया पोलीस शिपाई भरती, वनरक्षक भरती, तलाठी भरती, संयुक्त परीक्षा तसेच विविध स्पर्धा परीक्षेकरिता होणार आहे. यावेळी सदर स्पर्धा परीक्षा सराव पेपर करीता पोलीस मुख्यालय व विविध पोस्टे/उपपोस्टे/पोमकें स्तरावरुन एकूण 3800 विद्याथ्र्यांनी परीक्षा दिली. दुर्गम भागातील भामरागड, अहेरी, एटापल्ली, हेडरी व सिरोंचा या ठिकाणी ही विद्याथ्र्यांनी उत्स्फुर्त प्रतिसाद दिला. तसेच विशेष बाब म्हणजे नव्याने उभारण्यात आलेल्या पोलीस मदत केंद्र, पेनगुंडा हद्दीतील 15, पोलीस स्टेशन नेलगुंडा हद्दीतील 10 विद्यार्थ्यांनी ही या सराव पेपरमध्ये सहभाग घेतला. तसेच ‘एक गाव एक वाचनालय’ उपक्रमांतर्गत दि. 25 ऑक्टोंबर 2025 रोजी नव्याने स्थापन करण्यात आलेल्या डॉ. बाबासाहेब आंबेडकर सार्वजनिक वाचनालय, वांगेतुरी येथे घेण्यात आलेल्या सराव परीक्षेत 14 विद्यार्थ्यांनी सहभाग नोंदविला. अनेक ठिकाणी सार्वजनिक वाचनालय तसेच ग्रामपंचायत कार्यालयाच्या ठिकाणी परीक्षा घेण्यात आल्या. पोलीस मुख्यालय परिसरात घेण्यात आलेल्या सराव पेपरमध्ये 2050 विद्यार्थ्यांनी सहभाग घेतला. सदर सराव पेपर वेळी प्रभारी पोलीस अधीक्षक, गडचिरोली तथा अपर पोलीस अधीक्षक (अभियान) श्री. एम. रमेश आणि अपर पोलीस अधीक्षक (प्रशासन) श्री. गोकुल राज जी. यांनी उपस्थिती दर्शवून विद्यार्थ्यांनी मार्गदर्शन केले व त्यांचे मनोबल वाढविले.
सदर कार्यक्रमाच्या यशस्वीतेसाठी पोलीस अधीक्षक, गडचिरोली श्री. नीलोत्पल, अपर पोलीस अधीक्षक (अभियान) श्री. एम. रमेश, अपर पोलीस अधीक्षक अहेरी (प्राणहिता) श्री. सत्य साई कार्तिक, अपर पोलीस अधीक्षक (प्रशासन) श्री. गोकुल राज जी. यांच्या मार्गदर्शनाखाली जिल्ह्रातील सर्व उपविभागीय पोलीस अधिकारी, पोस्टे/उपपोस्टे/पोमकेंचे सर्व प्रभारी अधिकारी तसेच नागरी कृती शाखेचे प्रभारी अधिकारी पोउपनि. चंद्रकांत शेळके व सर्व पोलीस अंमलदार यांनी अथक परिश्रम घेतले.
