मुलचेरा-: तालुका महसूल प्रशासन च्या वतीने गोमणी येथे भगवंतरावं माध्यमिक आश्रम शाळेमध्ये दिनांक 20 एप्रिल ला शासकीय योजनांची जत्रा तसेच महाराजस्व अभियान कार्यक्रमाचे आयोजन करण्यात आले आहे. सदर शिबिरात जातीचे प्रमाणपत्र, अधिवास प्रमाणपत्र, अल्पभुधारक प्रमाणपत्र, शेतकरी दाखले, भूमिहीन दाखले, उत्पन दाखले, आयुष्यमान भारत कार्ड, श्रम कार्ड, राशन कार्ड, जेष्ठ व्यक्ती प्रमाणपत्र इत्यादी प्रमाणपत्रांचे वितरण होणार आहेत.सदर शिबिरात प्राथमिक आरोग्य केंद्र सुंदरनगर च्या वतीने रुग्ण तपासणी व मोफत औषधोपचार होणार आहे व त्याचप्रमाणे तालुका स्थरावरील सर्व शासकीय विभागामार्फत शिबिरस्थळी स्टाल लावून विविध शासकीय योजनांची जनजागृती तसेच प्रत्यक्ष लाभ देण्याचे काम करण्यात येणार आहे. तरी सदर शिबिराला जास्तीत जास्त संख्येने लोकांनी उपस्थित राहून शासकीय योजनांचा लाभ घेण्याचे आव्हाहन मुलचेऱ्याचे तहसीलदार सर्वेश मेश्राम, नायब तहसीलदार राजेंद्र तलांडे, मंडळ अधिकारी युवराज भांडेकर गोमणी चे तलाठी रितेश चिंदमवार यांनी केले.
