कोरोनासंदर्भात ‘आयएमए’कडून मार्गदर्शक सूचना जारी…

भारतातील सध्याची परिस्थिती चिंताजनक नाही. त्यामुळे नागरिकांना घाबरून जाण्याची गरज नाही, मात्र उपचारापेक्षा काळजी घेणे चांगले असल्याने इंडियन मेडिकल असोसिएशन अर्थात ‘आयएमए’ने कोरोनाबाबत नवीन मार्गदर्शक सूचना जारी केल्या आहेत. कोविडला रोखण्यासाठी नागरिकांनी नेमकी काय काळजी घ्यायला हवी, याबाबत सांगितले आहे

‘आयएमए’च्या मार्गदर्शक सूचना

• प्रत्येकाने सार्वजनिक ठिकाणी मास्क घालावे
• साबणाने हात धुवा, सॅनिटायझर वापरण्यास सुरुवात करा.
• सोशल डिस्टन्स पाळावा
• लग्न समारंभ, सार्वजनिक मेळावे पुढे ढकलण्यात यावेत
• शक्यतो आंतरराष्ट्रीय प्रवास करणे टाळा.
• सर्दी, खोकला, सर्दी यांसारखी लक्षणे दिसत असल्यास कोरोना चाचणी करुन घ्या.

आपत्कालीन औषधे, ऑक्सिजन पुरवठा व रुग्णवाहिका सेवा उपलब्ध करून देण्यासाठी संबंधित मंत्रालये आणि विभागांना आवश्यक निर्देश जारी करून तयारी वाढविण्याचे आवाहन इंडियन मेडिकल असोसिएशनने केंद्र सरकारला केले आहे.

सार्वजनिक, तसेच खासगी क्षेत्रातील मजबूत पायाभूत सुविधा, समर्पित वैद्यकीय मनुष्यबळ, सरकारकडून सक्रिय नेतृत्व समर्थन आणि पुरेशी औषधे आणि लसींची उपलब्धता, यामुळे भारत भूतकाळातील कोणत्याही परिस्थितीचे व्यवस्थापन करण्यास सक्षम असेल, असे सांगण्यात आले.