गडचिरोली येथील गोंडवाना भवन येथे आयटक प्रणित महाराष्ट्र राज्य अंगणवाडी बालवाडी कर्मचारी युनियनच्या संमेलनाचे उद्घाटन महाराष्ट्र प्रदेश काँग्रेस कमिटी महासचिव डॉ. नामदेव किरसान यांचे हस्ते पार पडले, यावेळी मार्गदर्शन करतांना आपल्या न्याय हक्कांसाठी लढा देण्यासाठी संघटित होऊन संघर्ष करण्याची गरज असून मोदी सरकारच्या खाजगीकरण धोरणाविरुद्ध सुद्धा आवाज उठविण्याची गरज असल्याचे प्रतिपादन डॉ. किरसान यांनी केले. संमेलनाचे संयोजक देवरावजी चौवारे यांनी प्रस्तावना करून अंगणवाडी व बालवाडी सेविकांच्या समस्या विदित केल्या. यावेळी संघटनेचे विविध पदाधिकारी व मोठ्या संख्येने बालवाडी व अंगणवाडी सेविका तसेच मदतनीस उपस्थित होत्या.
