मा. उपमुख्यमंत्री अजीत पवार यांच्या उपस्थितीत पार पडला पोस्टे नारगुंडा येथील नवीन प्रशासकिय इमारतीचा उद्घाटन सोहळा व जनजागरण मेळावा
जनजागरण मेळाव्यात स्थानिक नागरिकांना विविध साहित्यांचे वाटप.
सन 2022 मध्ये स्थापन करण्यात आलेल्या पोमकें सुरजागड येथे दिली भेट
महाराष्ट्र राज्याचे मा. उपमुख्यमंत्री श्री. अजीत पवार यांचा आज दिनांक 17/12/2023 रोजी गडचिरोली जिल्हा दौरा पार पडला. गडचिरोली जिल्हा हा माओवाददृष्ट¬ा अतिसंवेदनशिन जिल्हा असून येथील भामरागड उपविभागांतर्गत येत असलेल्या दुर्गम भागातील पोलीस स्टेशन नारगुंडा नविन प्रशासकिय इमारत उद्घाटन तसेच पोलीस दादालोरा खिडकीमार्फत जनजागरण मेळावा मा. उपमुख्यमंत्री सा. व मा. ना. राजे धर्मरावबाबा आत्राम अन्न व औषध प्रशासन मंत्री म.रा. मुंबई यांच्या प्रमुख उपस्थितीमध्ये पार पडला.
सदर कार्यक्रमाच्या सुरुवातीला पारंपारिक आदिवासी रेला नृत्य सादर करुन प्रमुख पाहुण्यांचे स्वागत करण्यात आले. त्यानंतर मा. उपमुख्यमंत्री साहेबांनी पोस्टे नारगुंडा अंतर्गत सुरक्षा गार्ड (मोर्चा), पोलीस अधिकारी व अंमलदारांचे बॅरेक, एसआरपीएफ अंमलदार बॅरेंक, इत्यादींना भेट देवुन पोलीस स्टेशनच्या कामकाजाची पाहणी केली. तसेच आयोजीत जनजागरण मेळाव्यात उपस्थित नागरिकांना शासकिय प्रमाणपत्राचे वाटप, स्प्रे पंप, शालेय मुलांना सायकल, क्रिकेट किट, व्हॉलीबॉल व नेट, ड्रेस, लोणचे पापड किट, स्वयंपाकासाठी लागणारी भांडी (मोठे गंज, स्टील बकेट, चमचे, वाटे इ.), धोतर, टी-शर्ट, लोअर, ब्लॅकेट, स्वेटर, बेडशिट, महिलांना साड्या व इतर भेटवस्तु दिल्या. यावेळी उपस्थित नागरिकांशी संवाद साधतांना गडचिरोली जिल्ह्याच्या विकासासाठी शासन सर्वतोपरी मदत करत असून, सुविधा देण्यासाठी प्रयत्नशिल आहे. गडचिरोली पोलीस प्रशासन दुर्गम भागात करीत असलेल्या कामाबद्दल त्यांनी कौतुक करुन पुढेही शासन दुर्गम भागाचा विकास करण्यासाठी भरपूर निधी उपलब्ध करुन देणार असल्याबाबत त्यांनी सांगितले. यासोबतच नागरिकांमध्ये मिसळून महिला व विद्याथ्र्यांशी त्यांनी संवाद साधत अनेक विद्याथ्र्यांना शालेय शिक्षणाबद्दल तसेच महिलांना व लहान मुलांना आरोग्याच्या सुविधांबाबत विचारणा करुन त्यांच्याकडून माहिती जाणून घेतली. यासोबतच मा. ना. राजे धर्मरावबाबा आत्राम यांनी शासनाने सुरु केलेल्या नवनविन योजना व सुविधा याबाबतची माहिती गोंडी भाषेमध्ये देऊन नागरिकांशी संवाद साधला. यावेळी मौजा-नारगुंडा परिसरातील 500 च्या जवळपास नागरिक कार्यक्रमास उपस्थित होते.
यासोबतच सन 2022 मध्ये स्थापन करण्यात आलेल्या पोलीस मदत केंद्र, सुरजागड येथे भेट देऊन तेथील जवानांशी संवाद साधला. त्यानंतर मा. उपमुख्यमंत्री सा. यांनी पोलीस अधीक्षक कार्यालय गडचिरोली येथील शहीद स्मारकास पुष्पचक्र अर्पण करुन श्रद्धांजली वाहीली. सदर कार्यक्रमप्रसंगी मा. अन्न व औषध प्रशासन मंत्री म.रा. मुंबई ना. राजे धर्मरावबाबा आत्राम, गडचिरोली परिक्षेत्राचे मा. पोलीस उपमहानिरीक्षक श्री. संदिप पाटील सा., मा. जिल्हाधिकारी श्री. संजय मीणा सा., मा. पोलीस अधीक्षक श्री. नीलोत्पल सा., मा. अपर पोलीस अधीक्षक (प्रशासन) श्री. कुमार चिंता सा., मा. अपर पोलीस अधीक्षक (अभियान) श्री. यतिश देशमुख सा., मा. अपर पोलीस अधीक्षक, अहेरी श्री. एम. रमेश सा. तसेच उपविभागीय पोलीस अधिकारी, भामरागड श्री. बापूराव दडस हे उपस्थित होते.
सदर कार्यक्रमाचे आभार मा. अपर पोलीस अधीक्षक अहेरी श्री. एम. रमेश सा. यांनी मानले असून सुत्रसंचालन पोउपनि. भारत निकाळजे यांनी केले. तसेच सदर कार्यक्रमाच्या यशस्वीतेसाठी उपविभागीय पोलीस अधिकारी, भामरागड श्री. बापूराव दडस, नागरी कृती शाखेचे प्रभारी अधिकारी पोउपनि. धनंजय पाटील, पोस्टे नारगुंडाचे प्रभारी अधिकारी श्री. सतीश बेले व सर्व अंमलदार यांनी अथक परिश्रम घेतले.
