मंगळसूत्र, सिंदूर, हातात चुडा अन्…, विकी- कतरिनाचा पहिला करवाचौथ थाटामाटात साजरा

विवाहित महिलेसाठी करवा चौथ हे व्रत फारच खास मानले जाते. त्यात नवविवाहित लग्न झालेले असेल तर मग वेगळाच उत्साह पाहायला मिळतो. नुकतंच अभिनेत्री कतरिना कैफने तिचा पहिला करवाचौथ साजरा केला. कतरिना आणि विकी कौशलचा हा पहिलाच करवा चौथ असल्याचे तो फारच स्पेशल होता. विशेष म्हणजे तिने तिच्या सासरच्या मंडळींसोबत अगदी पारंपारिकरित्या करवा चौथ साजरा करण्यास प्राधान्य दिले.

कतरिनाने तिच्या इन्स्टाग्रामवर याबद्दलचे काही फोटो शेअर केले आहे. यात तिचा पती अभिनेता विकी कौशल, सासूबाई आणि सासरे दिसत आहेत. मोठ्या थाटामाटात त्या दोघांनी करवा चौथ साजरा केल्याचे पाहायला मिळत आहे. फक्त विकी कौशलने नव्हे तर त्याच्या आईनेही सूनेच्या पहिल्या करवा चौथसाठी जय्यत तयारी केली होती.