सिरोंचा:
नॅचरल हीलिंग रूट्स वेलनेस सेंटरच्या वतीने बुधवार, ४ नोव्हेंबर २०२६ रोजी स्थानिक समाज भवन (को-ऑपरेटिव्ह बँकेतळ, वन कार्यालयाच्या मागील बाजूस) येथे एका भव्य मोफत आरोग्य शिबिराचे आयोजन करण्यात आले होते. या शिबिराचे उद्घाटन नगराध्यक्ष सौ. पद्मा सतीश बोगे यांच्या हस्ते अत्यंत उत्साहात संपन्न झाले. याप्रसंगी स्थानिक नागरिकांचा उदंड आणि उत्स्फूर्त प्रतिसाद लाभला.
या उद्घाटन सोहळ्याच्या प्रसंगी नगरसेवक सतीश बोगे, डॉ. प्रशांत दागम यांच्यासह परिसरातील अनेक महिला व नागरिक मोठ्या संख्येने उपस्थित होते.
या विशेष आरोग्य शिबिरामध्ये आधुनिक जीवनशैलीमुळे उद्भवणाऱ्या मानदुखी, खांदेदुखी, कंबरदुखी, सांधेदुखी, गुडघेदुखी आणि सायटिका यांसारख्या विविध शारीरिक समस्यांवर तज्ज्ञांद्वारे मोफत मार्गदर्शन करण्यात आले. तसेच रुग्णांवर विविध प्रभावी थेरपींच्या माध्यमातून मोफत उपचार व सुविधा उपलब्ध करून देण्यात आली होती. परिसरातील जास्तीत जास्त नागरिकांनी या मोफत शिबिराचा लाभ घ्यावा, असे आवाहन आयोजकांच्या वतीने करण्यात आले आहे.
