गडचिरोली:
सफाई कर्मचाऱ्यांचे प्रलंबित प्रश्न वेळेत सोडवून शासनाच्या कल्याणकारी योजनांचा लाभ त्यांच्यापर्यंत पोहोचवा, असे निर्देश महाराष्ट्र राज्य सफाई कर्मचारी आयोगाचे अध्यक्ष शेरसिंग रुक्कानसिंग डागोर यांनी दिले आहेत. गडचिरोली जिल्हाधिकारी कार्यालयात आयोजित बैठकीत त्यांनी सफाई कर्मचाऱ्यांच्या विविध समस्यांचा सविस्तर आढावा घेतला.
या बैठकीत प्रामुख्याने खालील मुद्द्यांवर चर्चा झाली आणि निर्देश देण्यात आले:
* वेळेत वेतन द्या: सफाई कर्मचाऱ्यांना दर महिन्याच्या १ ते ५ तारखेदरम्यान वेतन मिळालेच पाहिजे, अशी खात्री करण्याचे आदेश त्यांनी दिले.
* आरोग्य व विमा सुविधा: कर्मचाऱ्यांना अपघात विमा आणि कॅशलेस (विनामूल्य) आरोग्य सुविधांचा लाभ मिळवून देण्याच्या सूचना त्यांनी केल्या.
* इतर प्रलंबित प्रश्न: कर्मचाऱ्यांचे वेतन, सेवा, वारसा हक्क, पदोन्नती (प्रमोशन), निवासस्थान आणि आर्थिक सुरक्षिततेशी संबंधित प्रश्नांचा वेळेत निपटारा करावा.
* लाड-पागे समिती: लाड-पागे समितीअंतर्गत असणारी प्रलंबित प्रकरणे तातडीने मार्गी लावण्याचे निर्देशही यावेळी देण्यात आले.
