असरअल्ली:
लोहपुरुष सरदार वल्लभभाई पटेल यांच्या जयंतीनिमित्त आणि राष्ट्रीय एकता दिवसाच्या पार्श्वभूमीवर, असरअल्ली येथील पोलीस स्टेशनसमोर ‘रन फॉर युनिटी’ (एकता धावण रॅली) चे अत्यंत उत्साहात आयोजन करण्यात आले होते.
या रॅलीमध्ये स्थानिक पोलीस अधिकारी, पोलीस कर्मचारी आणि नागरिकांनी उत्स्फूर्तपणे आणि मोठ्या संख्येने सहभाग घेतला. या उपक्रमाच्या माध्यमातून समाजात राष्ट्रीय एकात्मता आणि बंधुभाव वाढीस लावण्याचा संदेश देण्यात आला.
सायबर सुरक्षेबाबत नागरिकांना आवाहन
रॅलीदरम्यान राष्ट्रीय एकतेसोबतच सध्याच्या काळातील महत्त्वाच्या अशा ‘सायबर सुरक्षिततेबाबत’ विशेष जनजागृती करण्यात आली. डिजिटल व्यवहार करताना नागरिकांनी अत्यंत सतर्क आणि सावध राहावे, असे आवाहन पोलीस प्रशासनाकडून करण्यात आले. तसेच कोणत्याही अनोळखी व्यक्तीने पाठवलेल्या संशयास्पद लिंक्स (Links) आणि फसव्या संदेशांपासून (Messages) दूर राहावे, जेणेकरून ऑनलाईन आर्थिक फसवणूक टाळता येईल, यावर या प्रसंगी मार्गदर्शन करण्यात आले.
